Dan Orchymyn Cynllunio Gwlad a Thref (Gweithdrefn Rheoli Datblygu) (Cymru) (Diwygio) 2017 Rhan 1A Adran 2B, mae’n ofynnol i’r rhai sy’n cynnig datblygiadau mawr ymgynghori ag aelodau o’r cyhoedd a chyrff cymunedol a statudol cyn cyflwyno’u cais cynllunio i’r Awdurdod Cynllunio Lleol.

Ers i ni gael ein penodi gan Gyngor Abertawe fel rhan o bartneriaeth adfywio strategol 20 mlynedd, rydym wedi bod yn ystyried posibiliadau ar gyfer ailddatblygu saith safle yn y ddinas, gan gynnwys y Ganolfan Ddinesig ar Heol Ystumllwynarth.

Mae adfywio’r Ganolfan Ddinesig yn gam pwysig yn nhrawsnewidiad parhaus y ddinas.

Byddi ein gweledigaeth ar gyfer Canolfan Ddinesig Abertawe yn ailddefnyddio’r adeilad presennol yn ei gyfanrwydd, gan ddod â bywyd newydd iddo fel man bywiog, defnydd cymysg gyda chaffis, bariau, a siopau newydd ar y llawer gwaelod yn agor allan i lan y môr, ynghyd â fflatiau, man gweithio, acwariwm, man ar gyfer digwyddiadau yn ogystal â chreu 138 o gartrefi newydd.

Mae gwahoddiad i chi wneud sylwadau am ein cynigion cyn i ni gyflwyno’r cais cynllunio ffurfiol.

Mae’n bwysig nodi bod yr ymarfer hwn yn holl ar wahân i’r ymgynghoriad statudol y bydd Cyngor Abertawe yn ei gynnal unwaith y mae’r cais cynllunio wedi’i gyflwyno. Ni fydd y broses bresennol yn eich atal rhag gwneud sylwadau yn y dyfodol ac os dymunwch wneud hynny, gallwch gyflwyno sylwadau pellach yn uniongyrchol i’r Cyngor ar yr adeg honno, i’w hystyried gan Gyngor Abertawe.